Kryetari i Prizrenit, Mytaher Haskuka ka shprehur ngushëllime për 53 vjecarin i cili ndërroi jetë sot nga koronavirusi.
Haskuka është lutur që pandemia të kalojë sa më shpejt dhe me sa më pak viktima.
“Sot e mora lajmin e hidhur nga Instituti Kombëtar i Shëndetësisë Publike të Kosovës për viktimën e radhës nga COVID-19. Ky është personi i dytë nga Prizreni që ka ndërruar jetë si pasojë e pandemisë.
Dua të shpreh ngushëllimet e mia të sinqerta familjes, miqve dhe gjithë të afërmve!
Me shpresë që sa më shpejt dhe me sa më pak viktima ta kalojmë këtë pandemi!”, thuhet në ngushëllimin e Haskukës./04 Online
