Leonardo Bonucci, aktualisht pjesë Union Berlinit, zbuloi në një intervistë për Sky Sports se nuk dëshiron ta mbyllë karrierën në vendin e tij, Itali.
“Nuk do ta përfundoj karrierën time në Itali, shpresoj ta përfundoj me fanellën e kaltër në Kampionatin Evropian”, ka thënë mbrojtësi.
“Jam i fokusuar në Bundesligë, është një përvojë e mirë dhe ka gjithmonë entuziazëm të madh, edhe kur jemi në vështirësi. Jam me fat që jam në një klub ku tifozët tregojnë dashurinë e tyre nga fillimi në fund. Tani duhet t’i shpërblejmë me rezultate”, shtoi ai.
