Organizata e Veteranëve të Luftës së Ushtrisë Çlirimtare të Kosovës ka njoftuar se nesër do të mbledhë Këshillin Drejtues dhe strukturat e saj për të shqyrtuar situatën e krijuar pas vendimit të Gjykatës Speciale.
OVL-UÇK ka bërë të ditur se mbledhja do të mbahet në selinë qendrore, duke filluar nga ora 12:00.
“Organizata e Veteranëve të Luftës së UÇK-së, nesër në ora 12:00, do të mbledhë në selinë qendrore Këshillin Drejtues dhe strukturat e saj, për të shqyrtuar situatën e krijuar pas vendimit të Gjykatës Speciale”, thuhet në njoftim.
Pas mbledhjes, organizata ka paralajmëruar konferencë për media, ku pritet të bëhet i ditur qëndrimi i saj dhe veprimet e mëtejshme lidhur me zhvillimet e fundit.
“Pas përfundimit të mbledhjes, në ora 13:30, OVL-UÇK do të mbajë konferencë për media, ku do të bëhet e ditur qëndrimi i Organizatës dhe veprimet tona të mëtejshme lidhur me zhvillimet e fundit”, thuhet në njoftim.https://www.facebook.com/plugins/post.php?href=https%3A%2F%2Fwww.facebook.com%2FOVLzyrtare%2Fposts%2Fpfbid024rQZvgJ9EYJtS7AUNTAkqyamMi9RqxXSioTsP9ASK86UQs6EZPTmGUbtC7nDseiYl&show_text=true&width=500
