Totaj pas certifikimit: Erdhi koha për punë me vizion për Prizrenin

0
183

Kryetari i ri i Prizrenit, Shaqir Totaj, përmes një postimi në facebook ka thënë se tash është koha për punë e vizion për Prizrenin e të ardhmes dhe përmirësim të jetës së qytetarëve tanë, pa dallime.

Ai këto deklarata i bëri pas certifikimit të zgjedhjeve në Prizren nga KQZ.

Postimi i plotë:

Sot, edhe zyrtarisht, Komisioni Qëndror i Zgjedhjeve më ka certifikuar si Kryetar të ri të Prizrenit.

Me këtë hap, u konfirmua edhe një herë fitorja e Partisë Demokratike të Kosovës, se zgjedhjet e 14 nëntorit në komunën tonë ishin demokratike dhe zbatim i vullnetit të qytetarëve të Prizrenit.

Falenderoj edhe një herë të gjithë qytetarët për një proces korrekt, për besimin e dhënë e mbi të gjitha që përqafuan ndryshimin, si akt mëse i nevojshëm për qytetin tonë.

Tash është koha për punë e vizion për Prizrenin e të ardhmes dhe përmirësim të jetës së qytetarëve tanë, pa dallime.

Ky është Prizreni për të cilin unë do të angazhohem e qyteti për të cilin ne kemi nevojë.

Të bashkuar për Prizrenin që duam!

Leave a Reply