Tre persona ranë në pranga të Policisë së Kosovës në Prizren pasi vendosen që të paraqitën si zyrtarë të Inspektoratit Policor të Kosovës.
Tre të dyshuarit, më 15 nëntor shkuan në njërën prej fabrikave në qytetin e Prizrenit e aty të njëjtët thanë se janë pjesëtar të IPK-së.
Vizita që ata e bën në këtë fabrikë, sipas një raporti që ka siguruar KALLXO.com, ishte me qëllim ‘për të nxjerrë borxhe’, e për të arritur këtë qëllim ata thanë se janë nga IPK.
Siç mësohet të dyshuarit janë J. Haxhimustafa, H. Haxhimustafa dhe O. Mehmeti.
Raporti tregon se pas pranimit të inofmatës hetuesit e Sektorit Rajonal Prizren dolën në vendin e ngjarjes. Ata pas verifikimit të kamerave kuptuan se tre të dyshuarit nuk janë pjesëtarë të IPK-së, por janë persona të cilët kanë keqpërdorur emrin e tyre duke tentuar që të mashtronin.
Më pas, në bazë të analizimit të kamerave të sigurisë ekipet e hetueseve policor arritën që t’i arrestojnë që të tre të dyshuarit.
Ata u kapën në njërën prej lagjeve të Prishtinës.
Pas kësaj, të dyshuarit u intervistuan në prani të avokatëve ku, sipas raportit, kanë pranuar veprën penale.
Tutje thuhet se në konsultim me prokurorin kujdestar dy prej tyre shkuan në ndalin policor prej 48-orësh, kurse i treti në procedurë të rregullt.
Të dyshuarit që u ndaluan janë dërguar në qendrën e mbajtjes në Suharekë./Kallxo.com/
