Pretendetja për presidente të vendit, Vjosa Osmani sapo ka arritur në Kuvendin e Kosovës.
Me të hyrë në sallë ajo ka përshëndetur disa deputetë, shkruan IndeksOnline.
Osmani ka përshëndetur ish- bashkëpartiakët e saj që kanë qenë të ulur në rendin e parë të Kuvendit.
Por, Osmani nuk ka përshëndetur asesi Avdullah Hotin, ish-kryeministrin e vendit.
Ndryshe, në dy votimet e para nevojiten dy të tretat e votave të deputetëve, që i bie gjithësej 80 vota.
Ndërkaq, në raundin e tretë, president zgjidhet ai që merr shumicën e thjeshtë prej 61 deputetësh, por në të tri votimet duhet të marrin pjesë të paktën 80 deputetë.