Në QKUK ka filluar procesi i dezinfektimit, dezinsektimit dhe deratizimit.
Ky projekt që bazohet në ligjin për parandalimin dhe luftimin e sëmundjeve ngjitëse mbikqyret drejtpërdrejt nga Qendra Klinike Universitare e Kosovës.
“Eko Pastrimi” është kompania nga Suhareka e cila e ka fituar tenderin me kontratë një vjeçare për t’i kryer shërbimet e dezinfektimit, dezinsektimit dhe deratizimit.
Si rrjedhojë, ekipet e kësaj kompanie që po e realizojnë këtë projekt, janë shpërndarë në pothuajse të gjitha spitalet brenda QKUK-së, të cilët me pajisje të avancuara dhe sipas standarteve evropiane janë duke i kryer shërbimet e kontraktuara.
Ky projekt pritet të ndihmoj edhe në luftimin dhe parandalimin e përhapjes të COVID-19./04 Online
