(Sa më keq(për Serbinë), aq më mirë (për Kosovën)
“Ultimatumin” prej 48 orësh nga ana e perëndimit lidhur me përcaktimin e (PRO ET CONTRA) e Serbisë, rreth invazionit rus në Ukrainë, sonte e “vulosi” (Putini i vockel) Presidenti Aleksandër Vuçiq, me aktin dhe faktin e Vendimit se; Serbia nuk i përkrah sanksionet e perëndimit, ndaj Rusisë!
Serbia kështu u bë vendi i vetëm evropian, që u deklarua kundër Vendimeve të Aleancës evroatlantike. Dhe kujtoj që ky rreshtim i Serbisë, neve si shqiptarë dhe si Kosovë na levërdisë në shumë pika;
- Amerika (Washingtoni) dhe përgjithësisht Evropa (Brukseli), ta i e tutje (natyrisht, nëse nuk plas ndonjë kaos në gjithë kontinentin!) në tematikën e negocimeve midis Kosoves dhe Serbisë, do e kenë shumë mē lehtë për ta finalizuar “njohjen reciproke” me Serbinë;
- Koncesionet (lexo; “karrotën” joshëse) ndaj Serbisë që eventualisht ndërmjetësuesit Eskobar e Lajçak, i kanë pasur në fijikat e tyre, tani jam shumë i sigurt që kurr s’do ta “shohin” dritën. Edhe për faktin, se deklarimet e gjertanishme verbale të Serbisë e kishin ushqyer deri diku shpresën se Serbia vërtetë është pro vlerave dhe interesave perëndimore, tani me 9 pikat që i solli Vuqiçi dhe Këshilli i ti nacional, e “vorrosen” definitivisht edhe këte mundësi;
- Interesat amerikane dhe sigurinë e stabilitetin në rajonin e Ballkanit Perëndimor, sikurse Serbia asnjë shtet tjetër nuk është duke e kërcënuar! Dhe se shqiptarët janë të vetmit që mund (duhet dhe aspirojnë që duke mbrojtur vetën e tyre) të ruajnë edhe interesat amerikane, e me këte edhe interesat dhe vlerat demokratike perëndimore…Proverbi ynë se; Ra (lufta në Ukrainë) ky mort, e u (kuptua dyfytyrësia) pamë, e ilustron më së miri situatën e tanishme midis Serbisë dhe Washingtonit…
Shkruan: Fadil MALOKU
* Shkrimet në këtë rubrikë nuk shprehin qëndrimet e 04 Online
