Peshkaqenët mund të jenë duke konsumuar kokainë në ujërat e Floridës dhe kjo mund t’i bëjë ata të sjellën në mënyrë “të çmendur”, thonë shkencëtarët.
Studiuesit që hulumtuan nëse droga e hedhur në det ndikonte në jetën detare për një dokumentar zbuluan se disa peshkaqenë dukej se po vepronin çuditërisht dhe të tjerët iu përgjigjën stimuluesve të ngjashëm.
Kontrabandistët kanë lënë tonë të panumërt kokainë në detet përreth Floridës, të transportuara nga Amerika e Jugut dhe Qendrore, ose për t’u mbledhur nga bashkëpunëtorët ose për të shmangur arrestimin. Droga më pas shpesh derdhet në breg në rrymat e oqeanit, shkruan Skynews, transmeton Klankosova.tv.
Vetëm muajin e kaluar, Roja Bregdetare e SHBA-së sekuestroi më shumë se 14,100 paund (6,400 kg) kokainë në Detin e Karaibeve dhe Oqeanin Atlantik, me një vlerë të vlerësuar prej 186 milion dollarë.
Biologu detar, Tom ‘The Blowfish’ Hird, dhe shkencëtarja mjedisore e Universitetit të Floridës, Tracy Fanara, studiuan peshkaqenë jashtë Florida Keys për të parë nëse droga kishte ndonjë ndikim mbi ta.
