Shkencëtarët japonezë kanë krijuar maska që shkëlqejnë në rast të infektimit me coronavirus

0
113

Shkencëtarët japonezë kanë bërë të ditur se, me ndihmën e antitrupave të strucit, kanë krijuar maska mbrojtëse që shkëlqejnë nën rrezet ultravjollcë, duke bërë të mundur përcaktimin nëse një person është i infektuar me coronavirus.

Metoda e pazakontë e Yasuhire Tsukamota dhe kolegëve të tij nga Universiteti i Kiotos mund të lejojë testimin e coronavirusit në shtëpi.

Bazuar në hulumtimet e mëparshme që kanë treguar se zogjtë janë shumë rezistent ndaj sëmundjeve, shkencëtarët japonezë i kanë vendosur një filet një maske antitrupa struci për të zbuluar COVID-19, raporton reuters.

Strucët fillimisht iu injektua një formë joaktive dhe e padëmshme e virusit ndërsa më pas nxorën antitrupat në një filtër special të vendosur brenda maskës. Në prani të coronavirusit, filtri u ndriçua nën dritën ultravjollcë, transmeton Telegrafi.

Në një studim të vogël që përfshinte 32 persona të infektuar, i ndjekur për 10 ditë, njerëzit kanë mbajtur maska dhe pas tetë orësh filtrat u hoqën ndërsa u spërkatën me një kimikat që, në prani të virusit, shkëlqente nën dritën ultravjollcë. Filtrat e veshur nga personat e infektuar me COVID-19 shkëlqenin në zonën rreth hundës dhe gojës.

Drejtori i universitetit dhe autori kryesor i studimit, Yasuhiro Tsukamoto, pohoi se edhe ai ishte i bindur se ishte i infektuar me coronavirus pasi kishte veshur një nga maskat eksperimentale. Diagnoza u konfirmua pas një ekzaminimi standard.

Ai tha se shpresonte që në kërkime të mëtejshme të mund të kryente teste në një numër më të madh të të anketuarve, gjë që do të lejonte që maskat mbrojtëse të ndizen automatikisht në rast të një virusi. /Telegrafi

Leave a Reply