Kritikave të kryetarit të Prizrenit, Mytaher Haskuka, drejtuar opozitës, i’u është kundërpërgjigjur LDK-ja përmes një komunikate për medie.
Si rrjedhojë, LDK-ja reagimet e Haskukës i ka quajtur histerike, ndërsa ka bërë me dije se si subjekt politik janë duke u përgatitur për rikthimin në pushtet.
Madje, në reagimin e LDK-së thuhet se Prizreni nuk e ka merituar një qeverisje të tillë dembele, jokreative e të paaftë që nuk punon asgjë dhe për dështimet e veta shikon e tenton ta gjej fajtorin diku tjetër.
Komunikata e plotë e LDK-së në Prizren:
“Si rezultat i dështimit total në qeverisje, Kryetari i Komunës, Mytaher Haskuka, i nervozuar me vështirësitë dhe pengesat që i janë vënë brenda partisë për ta fituar të drejtën e rikandidimit, ka kapur shkopin e po i fishkëllon gjithkujt që po i bie në mend.
Pas sulmit që i bëri shoqërisë civile, tash shigjetat i ka drejtuar mbi grupet e kuvendarëve opozitar.
Reagimet e tij histerike më as nuk mund ti merr kush seriozisht, prandaj ne LDK me kandidatin për kryetar, Anton Quni, të qetë po e vrojtojmë krijimin e situatës kaotike në pushtetin lokal dhe në partinë që është në pushtet, me akuzat e paqena e të pabaza, ne as që kemi kohë të merremi.
Kandidati ynë Anton Quni, me një ekip të gjerë profesionistësh, burra e gra, djem e vajza të reja entuziaste e kreativ, do të jetë çdo ditë në teren për të takuar qytetarët e komunës së Prizrenit, për ti njoftuar me platformën tonë dhe për të bashkëbiseduar e inkorporuar kërkesat e nevojat e tyre në këtë pmatformë që do të jetë më e mira në zgjedhjet lokale të kësaj vjeshte.
Ne po bëhemi gati që me mbështetjen e qytetarëve t’ua marrim drejtimin e komunës, sepse Prizreni dhe prizrenasit mezi po presin me i dhënë fund këtij cirku katërvjeçar.
Prizreni nuk e ka merituar një qeverisje të tillë dembele, jokreative e të paaftë që nuk punon asgjë dhe për dështimet e veta shikon e tenton ta gjej fajtorin diku tjeter.
Sipas, Haskukes, gjithkush dhe gjithçka ishte dhe është kundër tij, por asesi ai dhe bashkëpunëtorët e tij të korruptuar e hajna që vec vjedhjes gjë tjetër nuk kanë sjellë në dritë.
Do të ikni të turpëruar e do të mbaheni në mend për qeverisjen e dështuar e të korruptuar dhe më dembelen që nga paslufta”, thuhet në komunikatën e LDK./04 Online
