Çun Lajçi i shkon në konak Sali Berishës, “kur po vdisja nga Covidi më ofroi transfer në Stamboll me shpenzime të tij”

0
131

Aktori Çun Lajçi e ka vizituar ish-kryeministrin e Shqipërisë, Sali Berisha, në shtëpinë e tij ku qëndron në arrest shtëpiak pas një vendimi të Gjykatës së Posaçme kundër Korrupsionit dhe Krimit të Organizuar.

Lajçi i ka bërë thirrje atij që të mos dorëzohet pavarësisht që “kohnat janë dallashitë”.

“Edhe artisti e pret momentin që fjala e tij artistike të ngjizet me kohën dhe t’bahet dhamb kohe, ndaj shkova, jo t’fyej njenin e t’përkrah tjetrin, (se nuk me takon t’fus hundet n’politikën që s’e njoh, se artisti s’jeton pa popullin), por ta mbështes mocanikun tim, që rrin i ngujuar, jo për t’zezat e tija, (se për t’zeza do të duhej t’burgoseshin ata që mbajnë kumonën varur n’fyt), por nga inati, trishtimi nga fjala e vërtetë, nga drojtja e shplimit të t’bamave të këqia që do ti fundoste e do ti largonte përjetë nga politika!”, ka shkruar Lajçi.

Ai pati edhe një falënderim për të, duke thënë se derisa ishte i sëmurë me Covid, Berisha i kishte ofruar ta transferonte në Stamboll me shpenzime të tij.

Postimi i plotë:

Mos u dorëzo Sali Tropoja, sa do që kohnat janë dallashitë!

   Tri t’bamet e mira t’Sali Berishës, (heqi ato që bani për shtetin e eglave), që me shtynë të marr rrugë drejt “dritares” nga e cila e sheh nji pjesëz qielli e ca çati Tirane, për ta lëshuar zanin tim jehonë, për lirinë e njeriut që e sakrifikoi nji jetë, për mirëqenjen e të tjerëve dhe të atdheut t’hequr n’vargojt e diktaturës, ishin:

– Dekreti për shtetësinë shqiptare me 1995!

– Telefonata në repartin e  Pulmologjisë, kur po vdisja nga Covidi, e Sali Berisha po m’ofronte transfer n’Stamboll me shpenzimet e veta,

   Dhe

 – Osman Rrustemi, xhaxhai im, ballisti, i përndjekuri i UDB-së, të cilit Dr. Berisha ia besoi Gitën t’ia rriste si fëmiun e vet, ishin pengu që po mbaja n’zemër dhe po prisja rastin që t’ia ktheja, njeriut i cili u ba breva e diktaturës dhe lulja e demokracisë!

   Këto me rrokullisën Fanit tëposhtë, (jo paraja, se akoma s’jam n’shitje), për ti mbështetë shkallët të ajo “dritare lirie” e për ta ngritur zanin për lirimin e njeriut që e solli Bushin n’Tiranë, për ta shpallur nga aty Kosovën shtet të pamvarur! (Kjo iu kujtohet besoj)!

– Edhe artisti e pret momentin që fjala e tij artistike të ngjizet me kohën dhe t’bahet dhamb kohe, ndaj shkova, jo t’fyej njenin e t’përkrah tjetrin, (se nuk me takon t’fus hundet n’politikën që s’e njoh, se artisti s’jeton pa popullin), por ta mbështes mocanikun tim, që rrin i ngujuar, jo për t’zezat e tija, (se për t’zeza do të duhej t’burgoseshin ata që mbajnë kumonën varur n’fyt), por nga inati, trishtimi nga fjala e vërtetë, nga drojtja e shplimit të t’bamave të këqia që do ti fundoste e do ti largonte përjetë nga politika!

   Sali Berisha, përkundër urdhërave, e hapi derën e thirri; – s’mund ta lë rugovasin me shallin qefin, n’rrugë! Dua ta marrë ngryk e t’pi kafe të oxhaku se m’vret zakoni i maleve!

   Po!

   U futa n’konakun e tij e n’zemrën qindvjetshe!

   Mos u dorëzo Sali Tropoja, sa do që kohnat janë dallashitë, i thashë kur ika!

   Tani që pengun e hoqa nga zemra, sikur u shlirova!

Tiranë, 21 maj 2024

Leave a Reply