Harry Kane ka kujtuar José Mourinhon ndër trajnerët që kanë ndikuar në karrierën e tij, duke e përmendur gjatë fjalimit pas fitimit të Topit të Artë 2026.
Sulmuesi i Bayern Munichut vlerësoi kontributin e trajnerëve me të cilët ka punuar, përfshirë Harry Redknappin, Mauricio Pochettinon, Antonio Conten dhe Mourinhon, i cili e drejtoi te Tottenhami nga viti 2019 deri në vitin 2021.
“Secili prej jush ka luajtur një rol të rëndësishëm në zhvillimin tim, në faza të ndryshme të jetës sime. Pa secilin prej jush, unë nuk do të isha këtu sot”, deklaroi Kane.
Kapiteni i Anglisë foli edhe për vështirësitë që ka kaluar para se të arrinte majat e futbollit botëror.
“Rrugëtimi im nuk ishte i lehtë dhe as i drejtpërdrejtë. Nuk isha ai fëmija që arriti menjëherë në majë. M’u desh të kaloja momente të vështira, përvoja të ndryshme dhe shumë huazime. U desh të luftoja për të arritur nivelin ku jam sot”, përfundoi sulmuesi anglez./04 Online/
