Trajneri i Real Madridit, José Mourinho, është shprehur i kënaqur pas fitores 2-1 ndaj Barcelonës në “Camp Nou”, por ka paralajmëruar lojtarët që të mos e humbasin përqendrimin pas këtij triumfi.
Portugezi vlerësoi paraqitjen e skuadrës, duke theksuar se objektivi kryesor mbetet fitimi i kampionatit dhe jo vetëm triumfi ndaj rivalit historik.
“Është një fitore e madhe, por kur të kthehemi në stërvitje, nuk do t’i lejoj lojtarët ta kenë kokën në re. Nëse fitojmë sot dhe humbim në ndeshjen e radhës ndaj Racing Santanderit, kjo fitore nuk do të ketë të njëjtën vlerë”, deklaroi Mourinho.
Trajneri madrilen kritikoi gjithashtu VAR-in, duke pretenduar se João Cancelo duhej të ndëshkohej me karton të kuq për ndërhyrjen ndaj Yan Diomandes.
Në fund, Mourinho vlerësoi edhe Marc Cucurellan për mënyrën se si e kufizoi ndikimin e Lamine Yamalit, duke theksuar qetësinë dhe disiplinën e tij në fushë./04 Online/
