Kapiteni i Kosovës, Amir Rrahmani, duket se është gati të nisë një kapitull të ri në jetën e tij personale. Mbrojtësi i Napolit i ka propozuar martesë partneres së tij, modeles kosovare Drita Stublla, me të cilën është në një lidhje prej kohësh.
Sipas fotografive të publikuara në rrjetet sociale, momenti i veçantë ka ndodhur në një jaht pranë brigjeve të Sicilia, ku Rrahmani kishte organizuar një surprizë romantike për të dashurën e tij.
Futbollisti 32-vjeçar kishte menduar çdo detaj për këtë ditë të rëndësishme. Përveç propozimit romantik, në festë ishin të pranishëm edhe familjarë dhe miq të afërt të çiftit, të cilët ndanë me ta emocionet e këtij momenti të paharrueshëm.
Image
Nga pamjet e publikuara, atmosfera ishte festive dhe e mbushur me emocione, ndërsa Drita Stublla duket se e ka pranuar propozimin e kapitenit të Kosovës, duke i dhënë fund spekulimeve për të ardhmen e tyre si çift.
Rrahmani po kalon një periudhë të suksesshme jo vetëm në karrierën sportive, ku vazhdon të jetë një nga shtyllat kryesore të Napolit dhe të përfaqësueses së Kosovës, por tashmë edhe në jetën personale.
Për momentin nuk ka detaje zyrtare për datën e dasmës.
Image
