Nëse rrobat vazhdojnë të kenë erë të pakëndshme edhe pas larjes, shkaku mund të mos jetë detergjenti, por papastërtitë dhe myku që grumbullohen në rrobalarëse, veçanërisht te goma rreth derës.
Kjo pjesë shpesh neglizhohet gjatë pastrimit. Në palosjet e gomës mbetet ujë, detergjent, fije rrobash dhe papastërti, duke krijuar kushte të përshtatshme për zhvillimin e mykut dhe aromave të pakëndshme.
Si ta pastroni siç duhet?
- Hapni derën e rrobalarëses dhe tërhiqni lehtë palosjet e gomës për të kontrolluar nëse ka papastërti ose njolla myku.
- Me një leckë të pastër dhe detergjent të butë, pastroni me kujdes pjesën e brendshme të gomës.
- Pastroni edhe sirtarin ku vendoset detergjenti dhe zbutësi, pasi aty mund të grumbullohen mbetje dhe myk.
- Kontrolloni filtrin e pompës së shkarkimit, duke ndjekur udhëzimet e prodhuesit për modelin tuaj.
- Aktivizoni programin e pastrimit të kazanit, nëse pajisja e ka këtë funksion.
Si të parandaloni rikthimin e erës?
Ekspertët e prodhuesve të pajisjeve shtëpiake, përfshirë Bosch dhe LG, rekomandojnë që pas çdo larjeje dera e rrobalarëses të lihet paksa e hapur, në mënyrë që lagështia të largohet. Gjithashtu, goma duhet të fshihet dhe rrobat të nxirren nga kazani menjëherë pas përfundimit të programit.
Një tjetër gabim është përdorimi i tepërt i detergjentit dhe zbutësit, pasi mbetjet e tyre mund të grumbullohen brenda pajisjes dhe të shkaktojnë aroma të pakëndshme.
Kujdes: Mos përzieni kurrë zbardhuesin me uthull apo produkte të tjera pastrimi. Për pastrimin e rrobalarëses përdorni produkte të përshtatshme dhe ndiqni udhëzimet e prodhuesit.
Mirëmbajtja e rregullt e kësaj pjese mund të ndihmojë që rrobat të dalin më të freskëta dhe të parandalojë krijimin e mykut në pajisje./04 Online/
