Futbollisti Eros Grezda ka folur për herë të parë për ndarjen nga Oriola Marashi. Në një intervistë për ‘PanoramaSport’ ai është shprehur se kjo do jetë hera e fundit që do flasë për lidhjen që ka pasur me modelen shqiptare. Grezda tha se është e vëertetë që janë ndarë dhe shkak janë bërë ëndrrat dhe punët e secilit. Në fund futbollisti tha se do të mbeten shokë.
INTERVISTA:
Si është e vërteta me modelen Oriola Marashi, pas lajmeve të publikuara në rrjet për një ndarje mes jush?
Po, është folur shumë rreth kësaj çështjeje. Shpresoj që të jetë hera e fundit që unë flas për lidhjen time. Për Oriolën kam shumë respekt dhe gjithashtu për familjen e saj. Po, është e vërtetë që ne jemi ndarë dhe nëse ndonjëherë do të jemi bashkë, kjo do të jetë vetëm si shokë.
Cili ka qenë shkaku i ndarjes?
Secili ka ëndrrat dhe punët e veta. Kaq dhe nuk dua të them më asgjë.
