Ditë më parë përmes votimit të anëtarësisë të LVV-së në Prizren ishin përzgjedhur katër kandidatë për deputet për zgjedhjet e jashtëzakonshme për Kuvendin e Kosovës.
Në këtë listë ishin Artan Abrashi, Drita Millaku, Arbër Rexhaj dhe Yllza Hoti, ndërsa emri i Hajrulla Çekut i kishte munguar kësaj liste.
Por, siç ka mësuar 04 Online edhe Hajrulla Çeku është në listën e kandidatëve për deputet nga LVV-ja në Prizren.
Madje, këtë e ka konfirmuar edhe kuvendarja e LVV-së, Mimoza Bushrani.
“Hajrulla Ceku, kandidati pestë nga Lëvizja VETËVENDOSJE! Prizren.
Suksese e mbarësi Hajrulla Çeku”, ka thënë Bushrani./04 Online
