Thonjtë protetikë me ngjyra dhe aplikimet e manikyrit të përhershëm, të cilat kanë tërhequr vëmendjen e madhe të grave vitet e fundit, mund të shkaktojnë kancer, citon një studim i fundit.
Studiuesit nga Universiteti i San Diegos zbuluan se thonjtë protezë dhe tharëset e përhershme të manikyrit që punojnë me rrezet ultravjollcë mund të çojnë në kancer të lëkurës duke prishur ADN-në e qelizave. Në testet laboratorike, u përcaktua se 30% e qelizave vdesin pas një procesi 20-minutësh të tharjes UV, ndërsa vdekja e qelizave arriti në 70 për qind në tre seanca radhazi 20-minutëshe. Duke vënë në dukje se përdorimi në rritje i thonjve protezë, xheli akrilik dhe aplikimi i manikyrave të përhershëm me përhapjen e salloneve të bukurisë sjell me vete disa rreziqe, shefi i Fakultetit të Mjekësisë Burhan Ergin tha:
“Slucionet e përhershme të manikyrit thahen nën llamba UV për 60 deri në 90 sekonda pas aplikimit. Drita ultraviolet A (UV-A), midis 315 dhe 400 nanometra, depërton më thellë në lëkurë dhe përdoret zakonisht në tharëset UV të thonjve. Hulumtimet kanë treguar se kjo dritë shkakton dëmtim të ADN-së së qelizave”.
Ndër të tjera ai thekson se nga ky proces rritet rreziku për kancerin e lëkurës ndërsa shtoi se vajzat duhet të heqin dorë nga kjo metodë.
“Përveç mutacioneve të vërejtura në kanceret e lëkurës, mitokondria dhe dëmtimi i ADN-së u vunë re gjithashtu në qeliza. Ne e dimë se valët UVA janë përgjegjëse për shumicën e fotoplakjes në lëkurë. Ne i shohim rezultatet e këtyre aplikimeve kozmetike në formën e plakjes së lëkurës në afat të gjatë. Nëse planifikoni të vazhdoni këtë procedurë, rekomandohet të zvogëloni shpeshtësinë e vizitave. Është gjithashtu e mundur të minimizoni rrezikun duke aplikuar krem ??kundër diellit SPF 50 30 minuta para se të shkoni në qendrën e bukurisë”, përfundoi ai.
