Kryetari i PDK-së, Kadri Veseli, ka thënë se është meritë e qytetarëve që përhapja e koronavirusit në vend është realitivisht e ulët.
Ai ka bërë thirrje që institucionet të shtojnë numrin e testimeve të qytetarëve në mënyrë që të nisë lehtësimi i masave dhe të bëhet kthimi në normalitet.
“Qytetarët e kanë bërë pjesën që iu takon, duke u përkujdesur për higjenën si dhe duke qëndruar në shtëpi për të shmangur kontaktet sociale. Tani është përgjegjësia e institucioneve shtetërore, që të shtojnë testimet për t’i dhënë më shpejt fund karantinimit e për ta rikthyer sa më parë normalitetin në vend”, është shprehur ai.
