Manchester United ka shkarkuar Erik ten Hag pas humbjes 2-1 të së dielës në West Ham, teksa klubi kishte një nga fillimet më të këqija në një sezon në Premier League.
United ka një fitore nga pesë ndeshjet e fundit të ligës së parë dhe është në vendin e 14-të në divizion, shtatë pikë mbi zonën e rënies pasi ka shënuar vetëm tetë gola në nëntë ndeshje të ligës.
Ish- sulmuesi i Manchester United, Ruud van Nistelrooy, i cili u bashkua me stafin e trajnerëve të klubit në verë, do të marrë drejtimin e ekipit të parë në një afat të shkurtër. Ndeshja e radhës e United është të mërkurën në shtëpi ndaj Leicester City në Carabao Cup.
Mendohej se Ten Hag kishte nevojë për të fituar të paktën një nga ndeshjet e javës së kaluar kundër Fenerbahce në Ligën e Evropës dhe në West Ham. United shënoi një barazim 1-1 kundër skuadrës së José Mourinhos në Turqi dhe rezultati i së dielës vulosi fatin e tij./TCh
