Kryetari i Prizrenit, Mytaher Haskuka i ka shprehur ngushëllime familjes së personit që sot ndërroi jetë si pasojë e COVID-19.
Ai me këtë rast ka shfaqur shpresën se kjo do të jetë hera e fundit që do të ketë lajme të tilla të hidhura.
Postimi i plotë në ‘facebook’ i Haskukës:
Sot nga IKSHPK u njoftova që në Klinikën Infektive në QKUK ka ndërruar jetë pacienti i tretë i infektuar me COVID-19 nga komuna e Prizrenit, i cili ishte me vendbanim nga fshati Randobravë.
Shpreh ngushëllimet e mia gjithë familjarëve dhe gjithë miqve. Zoti ua lehtësoftë dhimbjen dhe ua shtoftë durimin!
Shpresoj që kjo të jetë hera e fundit e lajmeve të tilla të hidhura dhe të gjithë të infektuarit e tjerë të shërohen sa më shpejtë.
