Këtë të mërkure, UEFA do të marrë vendim të prerë për klubet që ende nuk janë tërhequr nga projektimi i Superligës Evropiane.
Në start të konsolidimit të garës ishin 12-të klube, mirëpo brenda 48 orësh ishin tërhequr nëntë sosh.
Tani kanë mbetur vetëm Real Madridi, Barcelona dhe Juventusi, andaj UEFA ka bërë të ditur se do të fillojë procedurat kundër tyre në të mërkurën e kësaj jave.
Kështu tre gjigantët evropiane pritet të ndëshkohen me gjobë, derisa nuk është befasi nëse përjashtohen edhe nga Liga e Kampionëve për edicionin e ri.
Mirëpo, Ministria e Drejtësisë ka informuar UEFA-n dhe FIFA-n se nuk mund t’i ndëshkojë tre klubet që ende nuk janë tërhequr, raporton Carrusel Deportivo.
Shtëpia e futbollit evropian duket se do ta ketë të vështirë që të ndëshkojë klubet dhe duhet vetëm t’i përjashtojë nga gara.
Florentino Peres dhe Andrea Agnelli janë të vendosur që të jetësojnë projektin e Superligës Evropiane, me nëntë klubet që bëhet e ditur se ende nuk janë tërhequr. /Telegrafi
