Marc Bernal është gjithnjë e më afër rinovimit të kontratës me Barcelonën deri në vitin 2031.
Mesfushori 19-vjeçar aktualisht ka kontratë me katalunasit deri në qershor të vitit 2029, por klubi dëshiron ta shpërblejë për paraqitjet e tij dhe ta lidhë edhe më gjatë me ekipin.
Barcelona e konsideron Bernalin pjesë të rëndësishme të projektit për të ardhmen. Klubi kishte rinovuar kontratën e tij deri në vitin 2029 në shtator të vitit të kaluar, me një klauzolë lirimi prej 500 milionë eurosh.
Tani, negociatat e reja janë në fazat përfundimtare dhe pritet që Bernal të vazhdojë aventurën në Camp Nou deri në vitin 2031.
