Koha e ditës mund të ndikojë në matjen e peshës trupore dhe në mënyrën se si organizojmë ushqimin. Për rezultate më të sakta, ekspertët rekomandojnë një rutinë të qëndrueshme.
Koha më e mirë për t’u peshuar është mëngjesi, menjëherë pas zgjimit dhe shkuarjes në tualet, para konsumimit të ushqimit ose ujit. Referuar rekomandimeve të Cleveland Clinic, matja në të njëjtat kushte çdo ditë ndihmon në përcjelljen më të saktë të ndryshimeve në peshë.
Sa i përket ushqimit, rëndësi ka rregullsia e vakteve. Sipas hulumtimeve mbi ushqyerjen kronologjike, konsumimi i një pjese më të madhe të kalorive gjatë pjesës së parë të ditës mund të ndihmojë në përmirësimin e metabolizmit dhe kontrollin e peshës.
Disa këshilla praktike:
- Mos e anashkaloni mëngjesin nëse ndiheni të uritur.
- Konsumoni drekën në orar të rregullt.
- Shmangni darkat e rënda pak para gjumit.
- Peshoni veten në të njëjtën kohë dhe me të njëjtat kushte.
Bazuar në të dhënat shkencore, nuk është vetëm ora e ushqimit që ndikon në peshë, por edhe cilësia e ushqimit, sasia e kalorive, aktiviteti fizik dhe gjumi./04 Online/














































