Luiz Ejlli është përplasur me gazetarin Mentor Kikia, pasi ky i fundit bëri një status ku nënçmoi këngëtarin dhe reality show-in televiziv Big Brother, ku Luizi mori pjesë e u shpall fitues.
Gazetari Kika përmes një shkrimi në Facebook kritikoi mediat se si e ballafaqojnë këngëtaren Aurela Gace me Luiz Ejllin, pasi sipas tij Big Brother është produkt televiziv pa asnjë vlerë, duke përfshirë këtu edhe banorët e saj.
Ndërsa deklaratave të tij, iu kundërpërgjigj Luizi duke e quajtur ‘legen’ gazetarin.
“Ti je kokrra e legenit o Mentor. Legen je dhe pikë”, ka shkruar Ejlli në Instagram.
Tutje, fituesi i Big Brother Albania VIP ia rikujtoi gazetarit se ishte pjesëmarrës dhe fitues i garave të rëndësishme muzikore në Shqipëri dhe në Evropë.
Po ashtu, Ejlli tha se në Big Brother hyri si dikush që ka arritë diçka, ndryshe nga disa të tjerë që nuk e dinë se kush janë.
