Derisa Gjermania dhe vende tjera të Evropës planifikojnë mbylljen dhe vendosjen e masave më strikte, Danimarka është pajtuar të hapet.
Të hënën qeveria e Danimarkës ka konfirmuar një hartë për lehtësimin e masave në Prill dhe në Maj.
Nga 6 prilli, më shumë fëmijë do të kthehen në shkolla, pastaj një muaj më vonë do të hapen restorantet, teatrot dhe bizneset tjera.
Kryeministrja e Danimarkës, Mette Frederiksen ka thënë se shpreson të hiqen të gjitha masat pasi të gjithë mbi moshën 50-vjeçare janë vaksinuar.
Pamja e përgjithshme e rasteve në vendet e Evropës është e përzier. Shumë nga vendet e mëdha të Evropës si Gjermani, Franca dhe Italia kanë parë rritje të numrit të rasteve./KOHA/
