Ylli ndërkombëtar i Pop-it, Dua Lipa pas suksesit ndërkombëtar me albumin e fundit “Future Nostalgia” ka ndarë një tjetër arritje të karrierës saj.
Përveçse këngët e saj shërbejnë si ilaç për shpirtin e ndihmuan shumë njerëz gjatë periudhës së vëashtirë të karantinës, duket sikur shërbejnë për më tepër se kaq.
Apple ka krijuar një listë me këngë, të quajtur “saylist”, për t’ju ardhur në ndihmë njerëzve që kanë probleme me të folurën. Kjo listë muzikore është krijuar në bashkëpunim me “Ëarner Music” dhe në të përfshihen 173 këngë, mes tyre edhe “Don’t Start Now” e Dua Lipës. Këto lista muzikore janë krijuar për njerëzit që ju mbahet goja dhe për ata që kanë probleme me shqiptimin e tingujve të caktuar si “ch” dhe “f”.
Këngët janë përzgjedhur në bazë të një algoritmi, i cili analizon këngët dhe zgjedh ato që përsërisin më shpesh tingujt e vështirë. Një studim i fëmijëve me zhvillim të vonuar në të folur i zhvilluar në Gjermani sugjeroi që ata të përfitonin nga terapia muzikore, duke qenë se janë raportuar ndryshime të rëndësishme klinikisht.Ndërkohë duhet përmendur se Dua Lipa është nominuar në tre kaetgori kryesore në “Brit Aëards 2021”, në: ”Female Solo Artist”, ”British Single (Physical)”, ”Mastercard Album of The Year”.
Lajmin e ka komunikuar vet këngëtarja përmes një postimi në Instagram.
