Arsenali ka shënuar fitore tejet të rëndësishme ndaj Leicester City, me rezultat 2-0, në kuadër të javës së 29-të në Premier League.
Golin e parë në ndeshje e ka shënuar Thomas Partey, në minutën e 11-të, pas një harkimi të bukur nga Gabriel Martinelli.
Leicesteri pas golit të pësuar u mundua që ta barazojë rezultatin, por që nuk ia arriti dot, dhe u mbyllë pjesa e parë me epërsinë e Arsenalit.
Në pjesën e dytë, Arsenali shënoi edhe njëherë me Alexandre Lacazette, i cili ishte i saktë nga pika e bardhë, me këtë rezultat edhe u mbyll ndeshja.
Për Arsenalin, kjo është fitorja e katërt rresht, dhe kalon në pozitën e katërt me 51 pikë, pas 26 ndeshjeve. /Klankosova.tv
