Me rastin e shënimit të përvjetorit të Ditës së Çlirimit Prizrenit, kryetari i Komunës së Prizrenit Mytaher Haskuka së bashku me zv.ministrin e Ministrisë së Kulturës, Rinisë dhe Sportit, Sejnur Veshall, drejtorin e Drejtorisë së Kulturës, Rinisë dhe Sportit, Arhim Ajazi dhe drejtoreshën e Drejtorisë Komunale të Arsimit Xhemile Thaçi-Vezgishi, sot përuruan edhe terrenin sportiv të shkollës “Abdyl Frashëri”.
Me këtë rast, kryetari Haskuka theksoi se kjo sallë i posedon të gjitha kushtet e nevojshme për zhvillimin e talenteve sportive të nxënësve të kësaj shkolle, siç janë futbolli, basketbolli, hendbolli, e po ashtu është vendosur edhe shtegu i kërcimit.