Sot pasdite pritet të merret vendimi nëse do të vazhdojë mësimi online në të gjitha nivelet e arsimit, shkruan Indeksonline.
Kështu njoftoi kryeministri në detyrë, Avdullah Hoti.
Ai tha se po shqyrtohen mundësitë për fillimin e mësimit online në të gjitha nivelet e arsimit, për dy javët e ardhshme, duke filluar nga 22 marsi.
“Po shqyrtohen mundësitë për fillimin e mësimit online në të gjitha nivelet e arsimit, për dy javët e ardhshme, duke filluar nga 22 marsi. Vendimi lidhur me këtë çështje pritet të merret sot pasdite pas takimit të përbashkët të MASHT-it, MSH-së , IKSHPK-së, SBASHK-ut dhe Këshillit të prindërve”.