Kryeministri i Kosovës, Albin Kurti, gjatë ditës së sotme është marrë me parafushatën për zgjedhjet lokale të 17 tetorit, duke promovuar kandidatin për Prizren, Mytaher Haskuka.
Ai bashkë me Haskukën shihet me anëtarë të komuniteteve pakicë përfshirë edhe deputeten Duda Balje.
Vetëvendosje ka shkruar se “reformat e filluara për një qeverisje progresiste lokale që nuk përjashton askë e përbashkon shumë komunitete dhe njerëz do t’i vazhdojmë edhe për një mandat” .
Statusi i plotë:
Reformat e filluara për një qeverisje progresiste lokale që nuk përjashton askë e përbashkon shumë komunitete dhe njerëz do t’i vazhdojmë edhe për një mandat tjetër, ishte bindja dhe zotimi i përbashkët nga takimi i sotëm mes përfaqësuesve të Lëvizjes VETËVENDOSJE!, kryetarit, njëherazi kryeministrit, Albin Kurti, kryetarit të Komunës së Prizrenit, Mytaher Haskuka, kryetarit të Qendrës së LV në PZ, njëherit, deputetit, Artan Abrashi, dhe përfaqësuesve të koalicionit VAKAT, z. Rasim Demiri, z. Cerim Bajrami, z. Brahim Shabani, atyre të SDU-së, znj. Duda Balje, z. Almir Veliji, të PREBK-së, z. Albert Kinolli, dhe atij të LPRK-së, z. Erxhan Galushi. Bashkë për Prizrenin!
