Që në momentin që u zyrtarizua transmetimi i “Big Brother Vip” në ekranin e Top Channel, publiku nisi që të aludonte në lidhje me emrat e njohur që mund të bëhen pjesë e reality show-t.
E prej disa ditësh po përflitet se edhe moderatorja e njohur e sportit, Hygerta Sako, do të jetë një nga konkurrentet e programit. A është e vërtetë një gjë e tillë?
Këtë e ka zbuluar vetë Hygerta, përmes komenteve në një foto të saj të postuar në “Instagram”. Në pozën ku ajo shfaqet shumë elegante me rroba banje, vihet re komenti i Fationit, pjesëmarrës në Big Brother 7” i cili i shkruar: “Gati për B.B Vip?”.
“Mjafton një përfaqësues i fisit, dy bëhen tepër o kusho”, ka shkruar me humor Hygerta, duke hedhur poshtë të gjitha zërat dhe lënë të kuptohet se ajo nuk do të jetë pjesë e këtij reality show.
