E keni hundën të madhe? Ja kush e ka fajin

0
427

Tiparet unike të fytyrës së çdo personi mund të jenë ndikuar nga ajo që ka ngrënë mamaja e tyre gjatë shtatzënisë, me dieta të pasura me proteina që çojnë në hundë dhe nofulla më të gjera, zbuloi një studim.

Diferencat në pamjen e njerëzve, nga forma e kafkës së tyre deri te përmasat e kërceve në hundë, krijohen në mitër nga gjenet e shkaktuara nga ushqimi.

Sa më shumë proteina të konsumohet gjatë shtatzënisë, aq më aktive bëhen këto gjene, të njohura si ‘mTORC1’. Studiuesit thonë se kjo mund të ‘rregullojë’ pamjen e fytyrës së foshnjës duke ndryshuar gjatësinë e hundës dhe gjerësinë e vrimave të hundës, formën e faqeve dhe theksimin e nofullës.

Ndërsa pamja themelore e fytyrës njerëzore përcaktohet nga gjenet e prindërve, vëllezërit e motrat shpesh duken krejt ndryshe, madje edhe binjakët ‘identikë’ nuk janë kurrë plotësisht të njëjtë.

Arsyeja për këto dallime delikate i ka habitur prej kohësh shkencëtarët, por tani ata besojnë se dieta e nënës është pjesërisht përgjegjëse për pamjen e pasardhësve. Në një studim të botuar në Nature Communications, studiuesit ndërkombëtarë deklaruan: “Kemi zbuluar se modifikimi i nivelit të proteinave në dietën e nënës rregullon aktivitetin e mTORC1, duke rezultuar në diferenca të lehta, por të dallueshme në formën kraniofaciale të embrioneve”. Ata thanë se kjo çon në një ‘spektër’ të tipareve të ndryshme të fytyrës.

Minjve mbarsë dhe peshqve iu dhanë dieta të ndryshme dhe studiuesit zbuluan se ajo ndryshonte sinjalizimin mTORC1 në barkun e tyre, duke u dhënë pasardhësve të tyre karakteristika të veçanta të fytyrës. U tregua se dietat me proteina të larta shkaktojnë tipare të zmadhuara të fytyrës, me nofulla më të theksuara dhe kërce më të trasha të hundës. Megjithatë, ushqyerja e nënave me ushqime me proteina më të ulëta çoi në fytyra të holla dhe tipare më të mprehta të fytyrës.

Studiuesit thanë se fenomeni mund t’u japë disa kafshëve një avantazh bazuar në mjedisin në të cilin ato kanë lindur.

Në disa lloje peshqish, të vegjlit kanë më shumë gjasa të kenë hundë më të gjata dhe më të holla nëse nënat e tyre konsumojnë një dietë me pak vlera ushqyese. Kjo u jep të vegjëlve një avantazh kur kërkojnë ushqim në zona me disponueshmëri të ulët të ushqimit.

Leave a Reply