Kombëtarja e Anglisë ka fituar 2-1 në gjysmëfinale ndaj Holandës për t’u kualifikuar në finalen e madhe të Kampionatit Evropian, EURO2024.
Xavi Simons shënoi fillimisht për Holandën, teksa më pas realizoi Kane e krejt në fund Watkins ia solli fitoren ‘Tre Luanëve’ me golin e tij.
Pas ndeshjes, Van Dijk u shpreh tejet i mërzitur për golin e pranuar në fundin e ndeshjes.
“Nuk kam fjalë. Të pranosh gol kaq vonë, është e tmerrshme. Kjo dhemb shumë”, tha fillimisht Van Dijk.
“Më duhet të qëndroj këtu, por as nuk di çfarë të them. Kjo më dhemb shumë.”
“Arbitri u kthye brenda menjëherë pas bilbilit të FT, kjo thotë shumë”, përfundoi ai.
