Komuna e Suharekës ka përuruar sot çerdhen e re në fshatin Bukosh, duke vazhduar të kryesojë në nivel vendi për numrin e çerdheve publike për kokë banori, shkruan 04 Online.
Në ceremoninë e hapjes, kryetari i komunës, Bali Muharremaj, u dha mundësinë fëmijëve të presin shiritin përurues, duke simbolizuar rëndësinë dhe përkushtimin ndaj edukimit dhe mirëqenies së tyre.
Ky investim pritet të lehtësojë qasjen në arsimin e hershëm dhe të krijojë kushte më të mira për fëmijët dhe familjet e kësaj zone./04 Online
