Mund të thuhet me plot gojë se kalimi te skuadra e Espanyol ishte lëvizja e duhur në karrierën e tij.
Marash Kumbulla ka regjistruar suksesin e radhës në elitën e futbollit spanjoll, me “Bardheblutë” e tij, që kanë mundur të fitojnë me rezultatin e ngushtë 2-1, në sfidën ndaj skuadrës së Mallorca të vlefshme për javën e nëntë të La Liga.
Përveç se regjistroi fitoren e dytë me skuadrën e tij të re, Kumbulla arriti të gjejë edhe golin e parë me fanellën e spanjollëve.
“E kisha ëndërruar kështu, gol me këto ngjyra përballë publikut tonë. Një emocion që do të mbaj me vete përgjithmonë”- ka shkruar mbrojtësi i Kombëtares shqiptare.
