Problemet e traktit urinar dhe prostatës janë të shpeshta, veçanërisht te meshkujt pas moshës 50-vjeçare. Ato mund të shkaktojnë vështirësi gjatë urinimit dhe të ndikojnë në cilësinë e jetës.
Shenjat kryesore përfshijnë urinimin e shpeshtë, sidomos gjatë natës, rrjedhën e dobët të urinës, vështirësinë në fillimin e urinimit, djegien dhe ndjesinë se fshikëza nuk zbrazet plotësisht.
Shkaqet mund të jenë zmadhimi beninj i prostatës, infeksionet urinare, prostatiti ose gurët në traktin urinar. Në disa raste, këto simptoma mund të lidhen edhe me probleme më serioze, prandaj nuk duhen neglizhuar.
Kur duhet të kërkoni ndihmë mjekësore? Nëse simptomat përsëriten, konsultohuni me urologun. Pamundësia për të urinuar, gjaku në urinë ose temperatura e lartë e shoqëruar me dhimbje kërkojnë vlerësim të menjëhershëm mjekësor.
Kontrollet në kohë ndihmojnë në identifikimin e shkakut dhe përcaktimin e trajtimit të duhur. Mos përdorni barna pa këshillën e mjekut./04 Online/
