Bukayo Saka do të kthehet sot në stërvitjen e plotë me kombëtaren e Anglisë dhe është i gatshëm të përballet me Danimarkën në gjysmëfinalen e Anglisë në Euro 2020 të mërkurën.
Anësori 19-vjeçar doli si një lojtar kryesor surprizë pasi shkëlqeu në ndeshjen e tretë në grup, kundër Republikës Çeke, duke zëvendësuar Phil Foden dhe duke mbajtur vendin e tij të titullarit në fitoren kundër Gjermanisë, përcjell GazetaBlic Sport.
Saka nuk ishte në skuadër për çerekfinalen ndaj Ukrainës pasi mori një goditje të lehtë në stërvitje, duke lejuar Jadon Sancho të fillojë lojën. Por ai është përsëri gati për gjysmëfinalen, që do të luhet në Wembley para 65,000 tifozëve.
