Nora Istrefi ka folur hapur për marrëdhënien që ka sot me ish-partnerin e saj, Robert Berisha, duke zbuluar se pavarësisht ndarjes, mes tyre vazhdon të ketë një raport të mirë dhe korrekt.
E ftuar në një intervistë për “Artistët Shqiptarë” me Butrint Pasjaqën, këngëtarja foli për karrierën, jetën personale dhe disa detaje që deri më tani i kishte mbajtur larg vëmendjes publike.
Gjatë bisedës, Nora u ndal edhe te raporti me Robertin, duke theksuar se të dy vazhdojnë të komunikojnë dhe të mirëkuptohen, veçanërisht kur bëhet fjalë për vajzën e tyre.
Ajo zbuloi gjithashtu se, në raste të caktuara, shkojnë edhe në pushime së bashku si familje, një deklaratë që ka mjaftuar për të rikthyer aludimet nëse mes tyre mund të ketë më shumë sesa vetëm një raport të mirë si prindër.
