Kandidati për deputet nga LDK-ja, Selman Kolgeci, vazhdoi fushatën zgjedhore duke marrë pjesë në tubimet me qytetarët e Greikocit dhe Sallagrazhdës.
Gjatë takimit me banorët e Greikocit, Kolgeci theksoi rëndësinë e zhvillimit të infrastrukturës sportive, duke premtuar ndërtimin e stadiumeve kombëtare moderne si pjesë e planit të LDK-së, “Rruga e Re”.
Ai gjithashtu vlerësoi rininë e Greikocit për angazhimin në sporte dhe u zotua për mbështetje konkrete në përmirësimin e kushteve për sportistët e rinj.
“𝐆𝐫𝐞𝐣𝐤𝐨𝐜
Stadiumet Kombëtare ishin ato për të cilat fola me banorët e këtij vendi, duke e pasur parasysh se ky fshat ka rini aktive në sporte të ndryshme.
Me planprogramin tonë “Rruga e Re” kemi propozuar ndërtimin e stadiumeve kombëtare moderne, si pjesë e planit për zhvillimin e infrastrukturës sportive dhe promovimin e sporteve në vend.
Ky projekt pa dyshim se do të ndihmonte në ngritjen e nivelit të sporteve kombëtare dhe ndërkombëtare, dhe do të shërbejë si qendër e rëndësishme për ngjarje të mëdha sportive në rajon.
124 LDK
#91SelmanKolgeci“, ka thënë Kolgeci.
Ndërsa para të pranishmëve në tubimin zgjedhor të mbajtur në fshatin Sallagrazhdë, Kolgeci theksoi rëndësinë e zhvillimit të infrastrukturës dhe sigurisë në rrugë si një nga prioritetet kryesore të programit qeverisës të LDK-së.
Ai poashtu theksoi se ndërtimi i një infrastrukture të sigurt do të ndikojë drejtpërdrejt në jetën e përditshme të qytetarëve, duke kontribuar në zhvillimin ekonomik dhe shoqëror të Kosovës.
“𝐒𝐚𝐥𝐥𝐚𝐠𝐫𝐚𝐳𝐡𝐝𝐞̈
Në kuadër të takimeve të përditshme me qytetarë, sonte fola për pjesë të programit qeverisës për Infrastrukturën dhe Sigurinë në Rrugë të cilat janë një aspekt shumë i rëndësishëm, pasiqë ndikojnë drejtpërdrejt në jetën e përditshme të qytetarëve dhe kan ndikim të madh në zhvillimin ekonomik dhe shoqëror.
Përmes këtij programi, theksojmë se Lidhja Demokratike e Kosovës si qëllim parsor e ka krijimin e kushteve më të sigurta dhe më efikase për lëvizjen e qytetarëve dhe mallrave, investimet në infrastrukturën e transporteve publike si dhe përmirësimin e sinjalistikës dhe infrastrukturës së sigurisë.
𝟏𝟐𝟒 𝐋𝐃𝐊
#91SelmanKolgeci“, ka thënë Kolgeci.
