K.R.U “Hidroregjioni Jugor” Sh.A është duke vazhduar punimet për ndërrimin sistemit të vjetër të kanalizimit me atë të ri në rrugët “Sahat Kulla” (Lagjja “Jeni Mahallë) dhe “Saraçët” (te Shtëpia e Kulturës “Xhemajli Berisha”).
“Hidroregjioni Jugor” është përfitues i këtij projekti të mbështetur nga Qeveria Gjermane përmes Institutit Kreditor për Rindërtim dhe këto punime do të zhvillohen për rreth një muaj.
“Qëllimi i këtij projekti është ngritja e shkallës sanitare dhe përmirësimi i çështjes së menaxhimit të ujërave të ndotura në këtë pjesë të Prizrenit”, thuhet tutje në njoftimin e komunës së Prizrenit.
