Eddie Howe po përmendet si një nga kandidatët kryesorë për ta marrë drejtimin e Manchester Unitedit, në rast se drejtuesit vendosin ta shkarkojnë Michael Carrickun.
Sipas raportimeve të mediave angleze, drejtori teknik Jason Wilcox e vlerëson trajnerin anglez si një alternativë të përshtatshme për ta rikthyer skuadrën në rrugën e suksesit.
Ish-futbollisti i Bournemouthit, Marc Pugh, ka vlerësuar aftësitë taktike të Howes, disiplinën dhe stilin e lojës me presion të lartë, duke besuar se ai mund të jetë një zgjedhje e mirë për klubin nga Old Trafford.
Howe ka përvojë në Premier League, ku ka drejtuar Bournemouthin dhe Newcastle Unitedin, me këtë të fundit që e udhëhoqi drejt Ligës së Kampionëve dhe triumfit në Carabao Cup më 2025.
Megjithatë, Manchester Unitedi ende nuk ka konfirmuar ndonjë vendim për të ardhmen e Carrickut. Ndeshjet e ardhshme mund të jenë vendimtare për trajnerin, ndërsa Howe mbetet një nga emrat që përmenden si alternativë e mundshme./04 Online/
