Çmimi tavan i naftës në Kosovë është rritur për dy centë krahasuar me të premten.
Sipas vendimit të Ministrisë së Industrisë, Ndërmarrësisë, Tregtisë dhe Inovacionit, një litër naftë sot mund të shitet më së shumti me 1.54 euro, ndërsa një ditë më parë çmimi maksimal ishte 1.52 euro për litër.
Çmimi i benzinës ka mbetur i pandryshuar dhe vazhdon të shitet me 1.42 euro për litër.
Ndërkohë, çmimi i gazit është ulur për dy centë. Nga 0.71 euro sa ishte, sot një litër gaz shitet me 0.69 euro.
