Një person është arrestuar në Suharekë pasi gjatë kontrollit iu gjet një armë me karikator.
Ai është dërguar në mbajtje për 48 orë.
Njoftimi i plotë:
Arrestohet i dyshuari për armëmbajtje pa leje.
Prizren, 10 dhjetor 2024
Më 10.12.2024 zyrtar policor nga stacioni policor në Suharekë në vazhdën e hetimeve të një rasti me dyshimin se i dyshuari R.B. (viti i lindjes 1977) ishte i përfshirë në të, gjatë arrestimit dhe kontrollit në çantën e tij i është gjetur dhe konfiskuar një armë e kalibrit 9mm se bashku me një karikator.
I dyshuari pas intervistimit me urdhër të prokurorit të shtetit është dërguar në mbajtje për 48 orë dhe ndaj tij do të ngrihet kallëzim penal për veprën penale: ” Mbajtje në pronësi, kontroll apo posedim i paautorizuar i armës’’.
