Arrestohen tre persona në Prizren, kapen me drogë

0
220
Foto: Ilustrim

Tre persona janë arrestuar mbrëmë në Prizren.

Ata janë kapur me drogë.

Policia kishte ndalur veturën e të dyshuarve: D.P, dhe H.Sh., ku gjatë kontrollit kanë vërejtur poshtë karriges së pasagjerit një qese të zezë, në të cilën kishte substancë të dyshuar narkotike të llojit marihuanë.

“Kjo ka bërë që dy të dyshuarit të arrestohen menjëherë dhe ndërkohë ka vazhduar kontrollimi i veturës ku janë gjetur dhe sekuestruar në cilësinë e provave materiale mbi 1 kilogram substancë e dyshuar narkotike e llojit marihuanë, vetura ku ndodheshin të dyshuarit, mulli për bluarjen e marihuanës, telefona celularë, para të gatshme dhe 2 thika”.

Për rastin u kap edhe dilleri i cili dyshohet se ua kishte sjellë drogën të dyshuarve nga Shqipëria. S.M., u arrestua në Vërmicë dhe atij iu sekuestruan telefoni personal dhe vetura me të cilën po udhëtonte.Me urdhër të prokurorit, tre të dyshuarve u është caktuar masa e ndalimit në kohëzgjatje prej 48 orësh./Gazeta Sinjali

Leave a Reply