Zinedine Zidane ka dalë në mbrojtje të Kylian Mbappes, pas fitores së Francës ndaj Turqisë me rezultat 2:1.
Përzgjedhësi i “Gjelave” ishte i kënaqur me paraqitjen e kapitenit, duke hedhur poshtë pretendimet se sulmuesi i Real Madridit luan vetëm për statistikat personale.
“Jam shumë i kënaqur me Kylianin. Ai luajti për ekipin dhe nuk ishte egoist. Madje, meritonte të shënonte dy apo tre gola. Krijoi mundësi për veten dhe më pëlqeu ajo që bëri edhe kur nuk e kishte topin”, tha trajneri francez.
Ndërkohë, Zidane u tregua i rezervuar kur u pyet për një përballje të mundshme me Spanjën në çerekfinale të Ligës së Kombeve.
Ai theksoi se fillimisht skuadra duhet të pushojë dhe më pas të përgatitet për sfidën e radhës, pa dashur të spekulojë për kundërshtarin.
Franca e mbylli grupin në krye me 13 pikë, duke siguruar një vend në mesin e tetë skuadrave më të mira të garës.















































