Abdixhiku i çon fjalë Kurtit e Krasniqit: U bënë bashkë të majtët e u kthyen në origjinë

0
128

Kryetari i LDK-së, Lumir Abdixhiku, mbrëmjen e sotme e ka kaluar në Ferizaj, ku u shënua 34-vjetori i themelimit të degës atje.

Nga aty Abdixhiku ka folur edhe për aktualitetin politik, që sipas tij tani kur Qeveria Kurti e ka izoluar Kosovën, e ka mbytyr ekonominë, ka humbur betejën në KiE “po kërkon takim”.

Abdixhiku godet edhe PDK-në duke thënë se Kurti ka qëllim instrumentalizimin e politikës dhe ka gjetur aleat.

“Takim për zgjedhje por jo dorëheqje! Takim për ndarje të fajësisë mes partive, por marrje të përgjegjësisë! Instrumentalizmi i opozitës është qëllimi tyre!”, thekson Abdixhiku.

“Në këtë instrumentalizim ata kanë gjetur dhe aleat! Por nuk do të gjejnë Lidhjen Demokratike!”.

Prandaj ai thotë se tavolinave të darkave diskrete u japin përgjigje “në mobilizim nacional të djathtë e patriotik sikurse ky sonte!”.

“Derisa të majtit bëhen bashkë, e kthehen në origjinë, ne shikojmë drejt hijes së trashëgimisë së patriotëve të mëdhenj që bënë Lidhjen tonë të jetë e veçantë! Aty gjejmë dhe nevojën për përbashkim e për ringritje si një”, i çon mesazh ai Krasniqit e Kurtit.

Leave a Reply