Ndonjëherë nuk e kuptojmë se gjërat e vogla mund të zbulojnë se kush jemi në të vërtetë. Në mënyrë interesante, të tjerët i vënë re ato që nga larg.
Pazari
Shumica e blerësve mund të ndahen në dy grupe. Të parët në mënyrë aktive studiojnë etiketat dhe kërkojnë sa më shumë detaje që të jetë e mundur para se ta blejnë diçka. Ata janë njerëz kureshtarë që duan t’i arrijnë në fund çdo gjëje.
Këta të fundit preferojnë të mos humbin kohë dhe mjaftohen me informacionin e sipërfaqes. Ata mund të quhen mendjelehtë.
Këto lloje veprojnë në mënyrë të ngjashme në situata të tjera të jetës. Sigurohuni që njerëzit e grupit të parë ta dinë gjithë historinë e jetës tuaj tuaj para se të bëheni të afërt. Njerëzit e tipit të dytë ka gjasa të humbasin edhe nuancat më të rëndësishme.
Dëshira për të mbajtur një orë dore
Njerëzit që mbajnë orë dore për të paktën një vit zakonisht janë më të përpiktë dhe më të ndërgjegjshëm se ata që preferojnë të mos e përdorin këtë aksesor.
Njerëzit që mbajnë një orë mund të jenë introvertë, por emocionalisht të qëndrueshëm, ndërsa ata që nuk mbajnë janë më pak të qëndrueshëm emocionalisht.
Zakonet e të ushqyerit
Preferencat e ngrënies mund të tregojnë shumë për natyrën e një personi. Njerëzit impulsiv, më pak të hapur dhe më pak të ndërgjegjshëm preferojnë verën e ëmbël dhe shumë rrallë hanë fruta.
Në të njëjtën kohë, njerëzit e hapur, më të qetë dhe më të ndërgjegjshëm me kënaqësi përfshijnë fruta në dietën e tyre.
Fjalët
Fjalët që përdorim në jetën e përditshme karakterizojnë personalitetin tonë. Dhe nuk ka rëndësi nëse i themi ato me zë të lartë apo i shkruajmë.
Njerëzit e shqetësuar dhe emocionalisht të paqëndrueshëm zakonisht përdorin fjalë që lidhen me emocione negative. Njerëzit e hapur preferojnë fjalë që përshkruajnë emocione pozitive. Njerëzit e ndërgjegjshëm përdorin më shpesh fjalë që lidhen me arritje dhe njerëzit e hapur zakonisht zgjedhin fjalë dhe fraza të sofistikuara kur duhet të jenë më koncizë.
Preferencat muzikore
Lloji i muzikës që ju pëlqen të dëgjoni mund t’u tregojë të tjerëve për veçantitë e psikikës suaj, sepse muzika ka efekt afatgjatë në tru.
Njerëzit që preferojnë muzikën e trishtuar ose agresive për të shprehur emocionet e tyre janë zakonisht të shqetësuar dhe nervozë.
Njerëzit të cilët preferojnë muzikën zbavitëse ose të qetë janë më të lumtur. Kjo është për shkak të faktit se vetë procesi i dëgjimit të një muzike të tillë ngre gjendjen shpirtërore dhe ka një efekt afatgjatë në mirëqenien tuaj.
Punët e shtëpisë
Njerëzit që kënaqen kur hekurosin gjërat, lajnë enët dhe luajnë me fëmijët, janë më të lehtë për të komunikuar se sa ata nuk u pëlqejnë punët. Për grupin e parë, lumturia e të tjerëve është e rëndësishme. Prandaj, ata preferojnë të punojnë në shtëpi, në vend që të ankohen për punët. Ato gjithashtu mund të quhen më introvertë.
Njerëzve të hapur nuk u pëlqen të bëjnë punët e shtëpisë dhe preferojnë pushimin ose takimin me miqtë.
Arti
Qëndrimi ndaj artit në të gjitha manifestimet e tij mund të zbulojë shumë për natyrën e një personi.
Njerëzit të cilët pëlqejnë poezitë, shkojnë në opera, ose janë të angazhuar në vetë artin, janë më të shoqërueshëm dhe të hapur ndaj çdo gjëje të re, ndryshe nga ata që injorojnë artin.
Plus
Është vërtetuar se njerëzit mund të përcaktojnë se sa i/e pasur është dikush thjesht duke shikuar fytyrën kur nuk shpreh asnjë emocion. Kjo aftësi përdoret shpesh kur vendosim të punësojmë dikë.
Njerëzit me fytyrë “të pasur” refuzohen më rrallë. Prandaj, sinjale të vogla mund t’ju pengojnë të ngjiteni në shkallët e karrierës ose të rritni të ardhurat tuaja.
Në të njëjtën kohë, shkencëtarët ende nuk janë në gjendje të përgjigjen me saktësi se çfarë saktësisht është ky faktor “i pasur” në pamje.
