Sot në vendin tonë pritet të mbajë mot i ndryshueshëm, herë pas here me reshje shiu, me periudha me diell si dhe vranësira të shumta.
Që në orët e para të ditës do të ndihet ndikimi i masave më të freskëta ajrore që depërtojnë nga perëndimi, duke sjellë reshje në pjesën më të madhe të vendit. Në zona të caktuara, reshjet mund të jenë më intensive dhe të shoqërohen me shkarkesa të forta elektrike.
Era do të fryjë nga verilindja me shpejtësi 1–7 m/s.
Temperaturat do të shënojnë rënie të ndjeshme. Vlerat minimale do të lëvizin nga 11 deri në 14 gradë Celsius, ndërsa ato maksimale nga 21 deri në 25 gradë Celsius.
